Қазақстан Республикасы Әділет министрлігінің бұйрығы  №49 

2015 жылғы 26 қаңтар, Астана қаласы «Қазақстан Республикасы сот-сараптамалық зерттеулер әдістемелерінің мемлекеттік тізілімін қалыптастыру және пайдалану қағидаларын бекіту туралы» «Қазақстан Республикасындағы сот-сараптама қызметі туралы» 2010 жылғы 20 қаңтардағы Қазақстан Республикасы Заңының 43-бабына сәйкес, бұйырамын: 1. Қоса беріліп отырған «Қазақстан Республикасы сот-сараптамалық зерттеулер әдістемелерінің мемлекеттік тізілімін қалыптастыру және пайдалану қағидалары» бекітілсін. 2. Қазақстан Республикасы Әділет министрлігінің Сот сараптамасы орталығы заңнамада белгіленген тәртіппен осы бұйрықтың мемлекеттік тіркелуін және оның ресми жариялануын қамтамасыз етсін. 3. Осы бұйрықтың орындалуын қадағалау Қазақстан Республикасы Әділет министрінің жетекшілік ететін орынбасарына жүктелсін. 4. Осы бұйрық оның алғаш ресми жарияланған күнінен кейін күнтізбелік он күн өткен соң қолданысқа енгізіледі. Министр Б.ИМАШЕВ. Қазақстан Республикасы Әділет министрінің 2015 жылғы 26 қаңтардағы №49 бұйрығымен бекітілген Қазақстан Республикасы сот-сараптамалық зерттеулер әдістемелерінің мемлекеттік тізілімін қалыптастыру және пайдалану қағидалары 1. Жалпы ережелер 1. Осы Қазақстан Республикасының сот-сараптамалық зерттеулер әдістемелерінің мемлекеттік тізілімін қалыптастыру және пайдалану қағидалары (бұдан әрі – Қағидалары) Қазақстан Республикасы сот - сараптамалық зерттеулер әдістемелерінің мемлекеттік тізілімін (бұдан әрі - Мемлекеттік тізілім) қалыптастыру және пайдалану мақсатын, тәртібін айқындайды. 2. Мемлекеттік тізілім қылмыстық процесті жүргізуші органдарды, соттарды, әкімшілік құқық бұзушылық туралы іс жүргізуінде жатқан органдарды (лауазымды адамдарды), процеске өзге қатысушыларды, сондай-ақ сот сарапшыларын және сот - сараптама қызметін лицензия негізінде жүзеге асыратын тұлғаларды Мемлекеттік тізілімге енген әдістемелер жөнінде мәліметтермен ақпараттандыру мақсатында қалыптастырылады. 2. Мемлекеттік тізілімді пайдалану және қалыптастыру тәртібі 3. Мемлекеттік тізілім осы Қағидаға 1-қосымшаға сәйкес нысан бойынша мемлекеттік және орыс тілдерінде электрондық түрде жүргізіледі. 4. Мемлекеттік тізілім осы Қағидаға 2-қосымшаға сәйкес нысан бойынша әдістеме құжатын қалыптастыратын Қазақстан Республикасының «Қазақстан Республикасындағы сот-сараптама қызметі туралы» Заңының (бұдан әрі – Заң) талаптарына жауап беретін сот-сараптамалық зерттеулер әдістемелері (бұдан әрі-әдістемелер) туралы мәліметтерді қамтиды. 5. Мемлекеттік тізілімді жүргізуді ақпараттық қамтамасыз етуді Қазақстан Республикасы Әділет министрлігінің Сот сараптамасы орталығымен (бұдан әрі-Орталық) Қазақстан Республикасы Әділет министрінің «Сот сараптамасы зерттеулерінің әдістемелерін әзірлеу, байқаудан өткізу және енгізу ережесін бекіту туралы» 2010 жылғы 20 сәуірдегі № 124 бұйрығына сәйкес (нормативтік құқықтық актілерді мемлекеттік тіркеудің тізіліміне N 6210 болып енгізілген) әзірленген, байқаудан өткен және енгізілген әдістемелер туралы мәліметтерді ұсына отырып жүзеге асырады. 6. Қазақстан Республикасы Әділет министрлігі сот сараптамасы органының Ғылыми кеңесінің (бұдан әрі - Ғылыми кеңес) сот - сараптамалық зерттеулер әдістемелерін Мемлекеттік тізілімге енгізу туралы шешімінен кейін бес күн ішінде әдістемелер туралы мәліметтер Орталыққа мемлекеттік және орыс тілдерінде, баспа және электрондық түрде, аталған органдардың мөрімен куәландырылған бір данада жолданады. 7. Мемлекеттік тізілімге енгізілуге тиіс мәліметтер Қазақстан Республикасы Әділет министрлігінің сот сараптамасы органына келіп түскен сәттен бастап бес жұмыс күні ішінде оған енгізіледі. 8. Мемлекеттік тізілімге өзгерістер мен толықтырулар Қазақстан Республикасы Әділет министрлігінің сот сараптамасы органымен ақпарат келіп түскен сәттен бастан бес жұмыс күні ішінде енгізіледі. 9. Шетелдік әдістемелер туралы мәліметтер осы Қағиданың 5 - тармағына сәйкес мемлекеттік тізілімге шетелдік сот сараптамасы органының рұқсатын алғаннан және Қазақстан Республикасы Әділет министрлігі сот сараптамасы органының Ғылыми кеңесінің тиісті шешімі қабылданғаннан кейін енгізіледі. 10. Мемлекеттік тізілімнің электрондық нұсқасы Қазақстан Республикасы Әділет министрлігінің интернет-ресурстарында орналастырылады. 11. Сарапшылар сот сараптамасын жүргізу кезiнде Мемлекеттік тізілімге енгізілген әдістемелер туралы ақпараттарды пайдалана алады. Қазақстан Республикасы сот-сараптамалық зерттеулер әдістемелерінің мемлекеттік тізілімін қалыптастыру және пайдалану қағидаларына 1-қосымша нысан Қазақстан Республикасы сот - сараптамалық зерттеулерәдістемелерінің мемлекеттік тізілімі Р/с № Әдістеменің шифры Әдістеменің атауы Ғылыми кеңес хатта-масының нөмірі, күні, Әдістеменің авторы (құрастырушы) Әдістеменің төлқұжаты Ескертпе 1  2 3 4 5 6 7 Қазақстан Республикасы сот-сараптамалық зерттеулер әдістемелерінің мемлекеттік тізілімін қалыптастыру және пайдалану қағидаларына 2-қосымша нысан Әдістеменің төлқұжаты 1.Әдістеменің атауы 2.Әдістеме мамандығының шифрі 3. Автор туралы ақпарат (құрастырушы туралы) 4.Әдістеменеің мәні 4.1Әдістемемен шешілетін сарапшылық міндеттер 4.2. Зерттеу объектілері 4.3. Зерттеу әдістері 4.4. Әдістеменің қысқаша кезең-кезеңдік сипаттамасы 5. Орталықтың Ғылыми кеңес хаттамасының нөмірі, күні 6. Әдістеме төлқұжатын құрастырушы туралы ақпарат Бұйрық Қазақстан Республикасының Әділет министрлігінде 2015 жылғы 20 ақпандағы Нормативтік құқықтық кесімдерді мемлекеттік тіркеудің тізіліміне № 10304 болып енгізілді.